Xogarmos dende a igualdade

Diego, o profe de Educación Física de primaria, proponnos elaborar xogos populares para o patio. Trasladamos de novo esta proposta ás TIC de 4º e elaboramos un plano do centro para distribuir os diferentes xogos polo patio, a idea é promover xogos populares que melloren a nosa convivencia e fomenten a igualdade. Dámoslle unha volta máis e propoñemos a temática das árbores para que sexan máis didácticos para os alumnos de primaria: nomes de árbores, siluetas, de follas, froitos,... temos a intención de que pasen a formar parte do espazo de convivencia diario. Primeiro pensamos e propoñemos temáticas e deseños, logo comezamos por restaurar os xogos do patio cuberto, que levaban sen renovar case dez anos. O ano que ven seguiremos...