contosdeArbores

Este proxecto trata de achegar aos rapaces de secundaria ao mundo da ilustración. A proposta era a de ler un conto que tivese como protagonista a unha árbore, pero sen descubrir as ilustracións, de xeito que as alumnas e alumnos tiñan que imaxinar as súas propias personaxes.

A lectura tamén nos axudaba á reflexión sobre os valores da ecoloxía na nosa sociedade.

proxecto: “The GivingTree”

Dende os departamentos de Inglés e Educación Plástica sobre o texto de Shell Silverstein en Inglés traballaranse os valores da relación dun neno cunha árbore, e, por extensión, dos homes coa natureza.

proxecto: “A Árbore da escola”

Dende o departamento de Educación Plástica sobre o texto de Antonio Sandoval en Galego vimos como a actitude dun neno na súa escola modifica todo o ambiente nela para melloralo.

aArboredeXulia

Aproveitamos a materia de Valores Éticos de 1º ESO para traballar unha obra de teatro: “el árbol de Julia” de Luis Matilla. Traballamos todos os valores relacionados con esta historia basada nun feito real dunha nena que se sube a unha árbore para evitar que a talen.

Realizáronse experiencias de lectura, debate, anáilse oral, improvisación, expresión corporal, relación coa contorna, conexión coas árbores e a ecoloxía, mellor coñecemento persoal, traballo en grupo, traducción, emprego das TIC, traballo colaborativo,..

Ao tratarse dunha materia con só unha hora semanal non houbo o tempo suficiente para a montaxe da obra, pero si se rematou o libreto en lingua galega e unha pequena curtamentraxe de 8 minutos onde se plantexa a temática da obra. Agradecemos a colaboración de Manuel, o profe de Lingua Galega que fixo unha revisión do texto e mellorou a calidade do escrito que traballamos.

Xogarmos dende a igualdade

Diego, o profe de Educación Física de primaria, proponnos elaborar xogos populares para o patio. Trasladamos de novo esta proposta ás TIC de 4º e elaboramos un plano do centro para distribuir os diferentes xogos polo patio, a idea é promover xogos populares que melloren a nosa convivencia e fomenten a igualdade. Dámoslle unha volta máis e propoñemos a temática das árbores para que sexan máis didácticos para os alumnos de primaria: nomes de árbores, siluetas, de follas, froitos,... temos a intención de que pasen a formar parte do espazo de convivencia diario. Primeiro pensamos e propoñemos temáticas e deseños, logo comezamos por restaurar os xogos do patio cuberto, que levaban sen renovar case dez anos. O ano que ven seguiremos...

 

A paisaxe castelá

 








Na clase de lingua española de 4º ESO descubrimos do valor lírico da paisaxe a través dos autores de xeración do 98, particularmente da poesía de Antonio Machado e á paisaxe soriana.
Recitamos e escoitamos os poemas dedicados á paisaxe dos escritores de principios de século, con versións recitadas e musicadas.
Comparamos a arte literaria e a pictórica, con especial atención á técnica impresionista, que utilizan escritores como Machado, Baroja, Azorín e Miró. 

CalendarioOghamArbores

-“A maxia dos bosques”

buscar información sobre os celtas e os druídas e sobre o alfabeto ogham ou alfabeto arbóreo celta.

A cada alumno se lle asignou unha árbore do alfabeto ogham, (procurando que a arbore asignada fora á que correspondía coa súa data de nacemento). Debuxar a árbore, as follas e os froitos e buscar a que letra do alfabeto ogham correspondía e o nome en gaélico, inglés e castelán.

Buscar información sobre a árbore: características, época de floración e segundo o calendario arbóreo celta época na que rexe esa árbore, significado máxico, significado terapéutico, tendo en conta que a información tiña que estar sempre relacionada cos celtas e cos druídas que habitaban nos bosques. Realizar unha presentación en power point na clase.

Os debuxos dos alumnos foron escaneados para facer un alfabeto e un calendario.