As árbores na aula de infantil

Ao longo deste curso escolar os alumnos e alumnas de educación infantil tres anos realizamos diferentes actividades que gardan relación coas árbores:

No mes de novembro xunto coa celebración do magosto realizamos unha degustación de froitos de outono. Identificamos a procedencia do froito en cuestión (castaña-castiñeiro; noz- nogueira; laranxa-laranxeira; uva-vide; avelá- aveleira; entre outras)

No mes de Nadal elaboramos unha árbore con pratos e as pegadas das nosas mans e os nosos nomes.

Polo día da Paz realizamos unha árbore con pombas da Paz, as cales tiñan diferentes mensaxes de persoeiros relevantes.

Polo día da árbore plantamos unha cerdeira no patio e na aula elaboramos unhas cereixas troqueladas.
 

Durante o terceiro trimestre elaboramos un proxecto (“As árbores do noso patio”)no que se desenvolveron diferentes aspectos tales como: árbores altas/baixas; árbores froiteiras (pexegueiro); árbores con tronco groso/delgado; os cambios nas árbores co paso das diferentes estacións.

Os alumnos e alumnas de tres anos investigaron coas súas familias e elaboraron verdadeiras obras de arte. “Árbores con colorido e imaxinación”.

Como broche final a todo este traballo que xira en torno ás árbores, os nenos e nenas de tres anos ao longo do curso, xunto coa mochila viaxeira, realizaron viaxes coas súas familias (Actividade: “Coñecendo Galicia en familia”). Nestas visitas sacaron fotos con árbores moi diferentes. Nestas mochilas incorporamos diferentes contos nos que as personaxes eran árbores para que as lecturas acompañasen tamén o proxecto.